المساعدة 
.gif)
حبيت انزل موضوع عن التوفل لأنه حالياً من اهم المواضيع المتعلقة بالدراسات العليا
خصوصاً انه الآن اصبح شرط مسبق للتسجيل ببرنامج الماجستير في الاردن,,,
حقيقة انا بحثت كثير بموضوع التوفل وتخبطت بالمعلومات بشكل كبير حتى قدرت اقرر
اي نوع من التوفل انا بحتاج!
مشان هيك بدي اكتب المعلومات الي بعرفها والي جربتها عن الامتحان واذا في اي حدا بحب يعرف اي معلومة بتمنى اني اقدر اساعده,,,
بداية امتحان التوفل بيعني Test of English as a foreign language وبالعربي امتحان اللغة الانجليزية كلغة اجنبية بمعنى لغير الناطقين باللغة الانجليزية
طبعاً الامتحان امريكي ويأتي من مركز التوفل في الولايات المتحدة الامريكية واحنا بالاردن عنا نوعين من التوفل:
1- iBT : internet based toefl
أي امتحان يقدم على الانترنت بمراكز متفق ومحددة عليها داخل الدولة التي تعيش فيها وهو التوفل المسمى "التوفل الدولي".
2-pBT: paper based test
أي امتحان يقدم على الورق وهو التوفل الي بحكو عنه "التوفل الاردني المحلي".
iBT
وهو امتحان مقسم الى اربعة اجزاء : قراءة, استماع، محادثة، كتابة .
هذا الامتحان مدة تقديمه 4 ساعات وكل جزء من الاجزاء السابقة بيحتوي على العديد من الاسئلة والاجزاء
المجموع العام لنقاط الامتحان 120
30 نقطة لكل قسم واغلب الجامعات الامريكية بتطلب مجموع 79-80
أنا جبت 73
وان شاء الله رح اعيده الشهر الجاي .... ادعوليpBT
امتحان التوفل على الورق مقسم الى 4 اجزاء ايضاً : استماع، قواعد، قراءة، كتابة.
بالنسبة الي هذا الامتحان اصعب لكن ممكن يكون اسهل لكم اتوقع انه المجموع الكلي لنقاط هذا النوع من الامتحانات 1200 نقطة والمطلوب في اغلب الجامعات
550 نقطة.....
cBt
هذا النوع كان يقدم في الاردن على الحاسوب لكنه الغي!
امتحان التوفل في الجامعات الاردنية
هذا الامتحان يعتبر موازي لامتحان التوفل وليس امتحان توفل لانه يوضع من قبل الجامعات الاردنية
وهو من حيث النقاط والنقاط المطلوبة مثل التوفل pBT
المراكز المعتمدة في الاردن
AMIDEAST - Jordan
MEU Language & Training Center
The American ESL Center
Future Gate Academy
International Centre for Languages
London Educational Centre
يعني مش بس الاميدايست .... على كل حال اذا اي حدا حابب يعرف موقع اي مركز فيهم انا جاهزة.
طبعاً الرسوم للامتحان من المصدر 160 دولار لكن المركز الي بتسجل فيه بوخد منك تقريباُ 40 دينار اجر انشاء حساب على موقع التوفل
نصيحتي اذا بتعرف بالدفع عالنت ادخل على الرابط http://www.ets.org/b....cgi?test=toefl وانشيء حساب وادفع عالنت
بتوفر مبلغ من الرسوم
بتمنى تكون هالمعلومات مفيدة ولو للبعض منكم.
