[امـ حـمـزه]

السلام عليكم

كيفكم يا غاليين


انا عندي موضوع في بالي
حابة منكم شوية استفسارات
لانه بعرف انه اغلب اهل المهباش مثقفين وعندهم دراية بمواضيع السفر

المهم
1 ) هلا شو افضل راتب للموظفين في السعودية في الرياض
يعني لو طلع لاي واحد عقد عمل هناك
شو الحد الادنى للراتب حتى يقدر يعيش هناك
طبعا مع العلم انه السكن مأمن من الشركة

2 ) ولي جرب السفر في السعودية
هل كان السكن مؤمن مع فواتير الماء والكهرباء ولا منفصل

3 ) هل يسمح بالاقيادة للسيدات الاجنبيات
يعني الي مش من السعودية
ولا كله ممنوع
وازا مسموح هل راح تلاقي السيدات عقبات ؟

4 ) شو رأيكم بالرياض بشكل عام
منطقة ممكن الواحد يندمج فيها ولا فيه تعقيدات كتير ؟

ولي عنده اي معلومة عن الرياض او خبرة او تجربة صارت معه بتمنى انه يكتبها عشان نستفيد

والسلام عليكم
اختكم
الاء البخاري

[حي بن يقظان]

أهلا و سهلا أختي العزيز
سوف أجيبك و أن شاء الله الجواب سيكون شافيا

تحديد الراتب يرتبط بموضوع الخبره فمثلا للخريج الجديد في قسم الهندسة و للعمل في مجال الهندسه يترواح الراتب من 4 الى 5 الالاف
اما من تزيد خبرتهم عن ذلك و حسب مجال التخصص و لو وضعتي التخصص من الممكن ان اقدر لك الراتب الممكن الحصول عليه

من جانب أخر لشخص واحد و خريج جديد 5 الالاف كافية جدا لان 99 من عقود السعودية تعطي بدل سكن أن لم يكن السكن مؤمن و المقدر براتب 3 شهور تعطى اضافة للراتب الاساسي
الحياة في السعودية رخيصه بل و رخيصه جدا
بالنسبة للسواقة للاجنبيات مسموحه في مناطق و مناطق غير مسموحه .
الرياض من المدن الجيدة بالسعودية بل من الافضل تقريبا .
بالتوفيق

[فتاة الجنوب]

و عليكم السلام اختي الاء ..


شوفي احكيلك بالنسبة الي ما عمري زرت السعودية من قبل و لا بعرف بامور الرواتب و هالامور لكن بحكم معرفتي باكتر من صديقة عايشين بالرياض و في منهم من ارتيريا كانت تحكيلي انهم شوي بميزوا الاجانب عن المواطنين يعني في تفرقة بالتعامل و خصوصا بالرياض ! و بالنسبة لسواقة الستات اللي بعرفه انه غير مسموح للسيدات سواء اجانب او من اهل البلد و حتى بالمناطق الشرقية يعني زي الدمام و الخبر غي مسموح السواقة ..والله تعالى اعلم ..


وموفقة اختي ربي يسر امورك و المسلمين اجمعين ..

[مصعب]

بالتوفيق


وانا قاعد بفكر اروح عمصر عند الترعة

[امـ حـمـزه]

مشكوريين اخوتي على المعلومات
ولي عنده كمان معلومات يكتب

والله يجزيكم الخير

[رغد]

بما اني عشت هناك فتره راح احكيلك بصراحه
الراتب بيعتمد ع المؤهل والتخصص مثلا دكتوره بالجامعه بيكون دخلها كتير منيح اما استاذه بمدرسة ولاد بيكون راتبها بين الف وخمس والفين ع حسب ادارة المدرسه قديش بتعطي
بالنسبه للسواقه مع احترامي للي حكى ان في مناطق مسموحه بحكيله مش صحيح ابدا فش نسوان بتسوق
بالنسبه للسكن غالبا بيعطوا لكن ازا بدنا نحكي ع القطاع الخاص بتكون مشتركه يعني بتعيش معگ بنت او اكتر وهيك والكهرباء عليهم
بس الراتب حوالي اربعة الالاف وفي زيادات كل سنه عند بعض الشركات وفي مكافئات
الحياه بالرياض في الغالي والرخيص
العنصريه نادرا بتلاقيها
بالعكس الاجانب اخدين راحتهن والامور ميسره
ازا عندك اي استفسار ممكن اخدمك لاني عايشه بجده.

[فــَآرِسـْے]

اقتباس

السلام عليكم

كيفكم يا غاليين

وعليكم السلام اختي الاء

اقتباس

1 ) هلا شو افضل راتب للموظفين في السعودية في الرياض
يعني لو طلع لاي واحد عقد عمل هناك
شو الحد الادنى للراتب حتى يقدر يعيش هناك
طبعا مع العلم انه السكن مأمن من الشركة

حسب الخبرة والعقد والوظيفة
والحد الاددنى لحتى تعيشي وتوفري
5 الاف ريال

اقتباس

2 ) ولي جرب السفر في السعودية
هل كان السكن مؤمن مع فواتير الماء والكهرباء ولا منفصل

انا مستأجر شقة المي عللى صاحب البيت والكهرباء علي انا

3

اقتباس

) هل يسمح بالاقيادة للسيدات الاجنبيات
يعني الي مش من السعودية
ولا كله ممنوع
وازا مسموح هل راح تلاقي السيدات عقبات ؟

اقتباس

منعاً باتاً
لكن لا تأكلي هم في باصات صغيرة تاخذ المدرسات وتجيبيهم بنظام الدفع الشهري
ومعاهم محرم وامينين ورجال كبار بالسن

4 ) شو رأيكم بالرياض بشكل عام
منطقة ممكن الواحد يندمج فيها ولا فيه تعقيدات كتير ؟

الرياض مدينة رائعة من اجمل المدن العربية من ناحية التنظيم وشبكة الطرق
والحدائق والاسواق والمطاعم وكل شي
والحياة مؤهلة للحرارة العالية يعني ما راح تحسي بحرارة ابداً
بالعمل مكيفات بالسيارات مكيفات بالبيت مكيف بالسوق مكيفات
يعني بالعربي لو تعيشي سنه وترجعلي للأردن
رايحه تتضايقي من حرارة الاردن هههههه

اقتباس

ولي عنده اي معلومة عن الرياض او خبرة او تجربة صارت معه بتمنى انه يكتبها عشان نستفيد

بما انك جايه لحالك اسكني مع قروب بنات شقة
فيها مجموعة غرف كل وحده بغرفة
امان واحسن الك


الله يوفقك ...

[Hunter_of_Hearts]

شو الاء ناويه تيجي هون؟

اولا لازم تعرفي انو الرياض بعيش فيها 7 مليون يعني فيها من كل الملل و مع اني مولود فيها و صارلي عايش فيها

30 سنه فلسه في مناطق بالرياض ما بعرفها !

الهدف من الاغتراب انو الواحد يلم قرشين و اذا انتي كنتي ناويه تيجي لهالهدف فلا تيجي احسنلك لانو لو قعدتي عشر سنين

لا راح تشتريلك بيت ولا راح تعمريلك ارض ...

اما اذا الله فتحها عليكي و تزوجتي و جيتي مع زوجك اللي هو متكفل بكل شي و انتي اشتغلتي هيك ممكن تسويلك قرشين

و هالحكي عالمدى البعيد يعني مش اقل من عشر سنين حراثه !

الشغل في الرياض زي كل مدن العالم بتتحكم فيه الخبرات و المؤهلات و الواسطات و المعارف ...

بتبلش الرواتب في الرياض للموظفين شهريا من 750 ريال ( العمال ) الى 150 الف ريال شهريا ( مدراء عامين لشركات كبرى ) !

الراتب اللي ممكن ياخذه شخص من الاردن مشان يعيش عيشه احسن من عيشته بالاردن اقل شي 6000 الاف زائدا البدلات هذا اذا كان واحد و زوجته و ولد بس...

في عيلات عدد افرادها 5 او 6 ممكن يعيشوا براتب 3500 ريال شهري بس بكونوا ماكلين هوا فمش عارف ليش بعدهم عايشين هون و يرجعوا عبلادهم احسن !

البيوت هون بتراوح اسعارها من 9000 سنوي لـ 250 الف حسب المساحه و المنطقه...

اذا اخذتي شقه بعمارة بكون دائما المي عالمالك و الكهربا عالمستأجر اما فيلا بكون الكهربا و المي عالمستأجر...

بالشقق و خصوصا بالصيف غالبا المي بتقطع فبجيبوا تنكات مي و بلموا 20 ريال عالداير من السكان ههههههههههههههههه....

السواقه ممنوعه للبنات بكافة المناطق بالمملكه رسميا...

الاعلانات الذهبيه و الرنانه و انو فرصة للعمل بالسعوديه وهيك لا تخليها تغريكي دايما لانو الوضع فيها مش مثل قبل 20 سنه

و حتى الشباب السعودي عنده نسبة بطاله كبيره. فالفرص بتكون لوظائف معينه و بخبرات كبيره مثل الطبيب و المهندس و المدراء الكبار و بس...

غالبا هالطبيب او المهندس او المدير الكبير بيكون بياخذ راتب كبير جدا بالاردن فحتى هالفرص ما راح تغريه و مثال على ذلك في وظيفة لمدير مشاريع بشركه كبرى

هون بالرياض عارضه راتب 40الف ريال شهري مع بدلات السكن و المواصلات و البونص و الوالد كلم صديق الو بالاردن شاف انو مؤهلاته مناسبه قلو الدكتور انا بطلع

6000 دينار شهري بعمان ان ماتت ! و ما رضي ييجي !

اللي استفاد اللي كان زمان هون من اكثر من عشرين سنه لانو البلد ما كانت معقده و متطوره و عدد هائل من السكان زي هلا ...

من الاخر اذا بتلاقي وضيفه بالاردن بـ 250 دينار احسنلك من 3500 ريال هون و بكفي انو بتظلك بين اهلك و اسمك بنت...

بالتوفيق...

[نضال عزام]

Hunter_of_Hearts في 11 September 2010 - 08:11 AM كتب :

شو الاء ناويه تيجي هون؟

اولا لازم تعرفي انو الرياض بعيش فيها 7 مليون يعني فيها من كل الملل و مع اني مولود فيها و صارلي عايش فيها

30 سنه فلسه في مناطق بالرياض ما بعرفها !

الهدف من الاغتراب انو الواحد يلم قرشين و اذا انتي كنتي ناويه تيجي لهالهدف فلا تيجي احسنلك لانو لو قعدتي عشر سنين

لا راح تشتريلك بيت ولا راح تعمريلك ارض ...

اما اذا الله فتحها عليكي و تزوجتي و جيتي مع زوجك اللي هو متكفل بكل شي و انتي اشتغلتي هيك ممكن تسويلك قرشين

و هالحكي عالمدى البعيد يعني مش اقل من عشر سنين حراثه !

الشغل في الرياض زي كل مدن العالم بتتحكم فيه الخبرات و المؤهلات و الواسطات و المعارف ...

بتبلش الرواتب في الرياض للموظفين شهريا من 750 ريال ( العمال ) الى 150 الف ريال شهريا ( مدراء عامين لشركات كبرى ) !

الراتب اللي ممكن ياخذه شخص من الاردن مشان يعيش عيشه احسن من عيشته بالاردن اقل شي 6000 الاف زائدا البدلات هذا اذا كان واحد و زوجته و ولد بس...

في عيلات عدد افرادها 5 او 6 ممكن يعيشوا براتب 3500 ريال شهري بس بكونوا ماكلين هوا فمش عارف ليش بعدهم عايشين هون و يرجعوا عبلادهم احسن !

البيوت هون بتراوح اسعارها من 9000 سنوي لـ 250 الف حسب المساحه و المنطقه...

اذا اخذتي شقه بعمارة بكون دائما المي عالمالك و الكهربا عالمستأجر اما فيلا بكون الكهربا و المي عالمستأجر...

بالشقق و خصوصا بالصيف غالبا المي بتقطع فبجيبوا تنكات مي و بلموا 20 ريال عالداير من السكان ههههههههههههههههه....

السواقه ممنوعه للبنات بكافة المناطق بالمملكه رسميا...

الاعلانات الذهبيه و الرنانه و انو فرصة للعمل بالسعوديه وهيك لا تخليها تغريكي دايما لانو الوضع فيها مش مثل قبل 20 سنه

و حتى الشباب السعودي عنده نسبة بطاله كبيره. فالفرص بتكون لوظائف معينه و بخبرات كبيره مثل الطبيب و المهندس و المدراء الكبار و بس...

غالبا هالطبيب او المهندس او المدير الكبير بيكون بياخذ راتب كبير جدا بالاردن فحتى هالفرص ما راح تغريه و مثال على ذلك في وظيفة لمدير مشاريع بشركه كبرى

هون بالرياض عارضه راتب 40الف ريال شهري مع بدلات السكن و المواصلات و البونص و الوالد كلم صديق الو بالاردن شاف انو مؤهلاته مناسبه قلو الدكتور انا بطلع

6000 دينار شهري بعمان ان ماتت ! و ما رضي ييجي !

اللي استفاد اللي كان زمان هون من اكثر من عشرين سنه لانو البلد ما كانت معقده و متطوره و عدد هائل من السكان زي هلا ...

من الاخر اذا بتلاقي وضيفه بالاردن بـ 250 دينار احسنلك من 3500 ريال هون و بكفي انو بتظلك بين اهلك و اسمك بنت...

بالتوفيق...

هذا الكلام الصحيح الله يحي اصلك حجHunter_of_Hearts ما قصرت

في موضوع بنسبة الي هو المهم الغرابة ام حمزه اخ ثم اخ ثم اخ من الغربة

بتمنالك كل خيرانشالله تحقق كل اللي ببالك

[Hunter_of_Hearts]

الله حي نباك اخوي نضال...

يعني الاء اخت عزيزه علينا فلازم ننصحها كأنها من اهل بيتي و الله...

و بالاخر الراي رايها و الشور شورها...

جد ساق الله على ايام الهبر هههههههههههههههههههه

هالايام المدرس بيطلع بالف و خمسمية ريال و اذا كان استاذ رياضيات بالدرجة الاولى بصير يا حرام مثل الخدامه من بيت لبيت تحت رحمة الامهات

مشان يدرس ولادهن دروس خصوصيه و الا بيضحك عليه والا بتخوث و الا بماطل

ايام اول اللي حولت حتى المدرس كان الو عز و اذا الله رزقه بأمير بعيش لورد !

بعرف مدرس سوري صارله 30 سنه بالبلد اول ما اجى تعرف على امير و اخذوا مقاوله يعني شغلته يدرس ولاده و راتب من اللي بحبو قلبك و هدايا و سيارات

و فطور و غدا و عشا ذبايح ... الحلو اني تعرفت عليه عن طريق مشروعي يعني بفضل الله ثم هالامير صار عنده معدات ثقيله من جرافات و حفارات وتأجرتهم منو لمشروعي !

و للان ما زال مدرس عند الامير و انتقل التدريس من اولاده لاحفاده !

الله يرزق الجميع...

تم تحرير هذا الرد بواسطة Hunter_of_Hearts: 11 September 2010 - 09:19 PM

[امـ حـمـزه]

بنت العبدلي
فارس
مجدي
نضال

اشكركم اخوتي على نصائحكم
والله يجيب اليه فيه الخير يا رب